Mi-gang rape sa dalaga nadakpan

CEBU, Philippines - Duha ka construction worker nga suspetsado sa gang-rape sa 24- anyos nga dalaga sa barangay Jugan, lungsod sa Consolacion alas 11 pasado ang takna sa miaging gabii.

Ang nadakpan mao si Raymund Obero, 23- anyos ug kauban sa trabaho nga 16-anyos (pangalan gipugngan sa Banat News) nga lumad nga taga sitio Tunga sa barangay Bitoon, lungsod sa Dumanjug.

Si PO2 Johnaskie Romero sa kapolisan sa maong lungsod mibutyag nga ang biktima misumbong kanila nga gibitad siya sa duha sa iyang pag-agi gibanabanang 100 metros gikan sa barangay hall ug gidala sa kalibonan.

Didto gitabangan siya paglugos sa duha dungan sa paghulga nga dunay dautang mahitabo kaniya.

Tungod kay kanunay na silang makit-an sa biktima namay-ongan kini sa dalaga ug gitultolan ang mga polis sa construction site diin sila nag-stay in. Ang Womens Desk nangandam na sa kasong ipasaka batok sa duha.( /EIM) (BANAT NEWS)