Triduum alang ni Santo Cristo de Limpia sugdan karon
CEBU, Philippines - Ang triduum alang sa pista ni Santo Cristo de Limpia sugdan karong adlawa , September 9, sa Basilica del Sto. Niño.
Ang debosyon kang Santo Kristo de Limpia sa Cebu nagsugod kaniadto pang tuig 1900 dihang si Don Juan Rivera and Doña Andrea Rivera, mga ginikanan ni anhing Inday Pining Gullas, mihatag sa maong imahe ngadto sa mga Augustinian fathers sa Basilica.
Sumala ni Dr. Jose “Dodong†Gullas, ang maong imahe ginama sa gahi nga kahoy nga nakit-an sa iyang Lolo Juan nga imported gikan sa Spain.
Si Gullas, uban sa iyang minahal nga kapikas nga si Nena, nagpadayon sa maong tradisyon sa pagsaulog sa pista ni Santo Cristo de Limpia sukad pa sa ilang mga apohan.
Ang Santo Cristo de Limpia naggikan sa gamay nga barangay nga gitawag nga Limpias didto sa Covadonga sa Asturias, Spain. Ang ngalan nga “Limpia†nagsukad sa bugnaw nga tubig nga gitawag Waters of Limpias o Tubig sa Limpias.
Ang maong barangay gamay ra, nga may mikabat sa 1,200 ka molupyo , diin tukora ang Simbahan ni San Pedro.
Ang imahe nagpakita ni Cristo kinsa sa dakong kasubo miyahat ngadto sa langit.Giingon nga ikaw na ang pabut-on kun unsang anggoloha ang imong kuhaon, ang pagpasabot ni Jesus sumala sa makita sa imahe di lamang kay gisakitan, apan siya nag-ampo ug namalandong.
Adunay Balaang Misa sa Basilica unya s a Septiyembre 11, sa alas 4:00 sa hapon. (BANAT NEWS)
- Latest
