MILF mipaabot sa ilang pahasubo sa CDO mayor
CEBU, Philippines - Mipaabot sa ilang pahasubo ang mga sakop sa Moro Islamic Liberation Front (MILF) ngadto kang Cagayan de Oro City Mayor Oscar Moreno tungod sa pagpamomba nga nahitabo sa maong siyudad niadtong Hulyo 26.
Ang maong pagpaabot sa pahasubo gihimo ni MILF peace panel and Bangsamoro Transition Commission member Maulana Alonto atol sa pagduaw niya kang Moreno niadtong Miyerkules, sumala pa sa report sa GMA News.Tv.
"Alonto also reiterated the support of the MILF for the mayor’s sincere initiatives to defuse the tension as a result of the bombing and to put a stop to the wild speculations that point accusing fingers at Muslims as the ones responsible for this act of senseless violence," matud pa sa website sa MILF.
Matud pa nga mismong si MILF chairman Al Haj Murad ug BTC and peace panel chairman Mohagher Iqbal maoy misugo kang Alonto nga personal nga ipaabot ang pahasubo sa MILF ngadto sa mayor sa Cagayan de Oro.
Matud pa nga gihulagway sa MILF ang maong pagpangatake nga walay kapuslanang pagpamomba sa mga inosenteng sibilyan ug kini gikondenar sa ilang pundok.
"A significant number of Bangsamoro Muslims are residing in Cagayan de Oro.
They are government officials and employees, long-time residents, and traders who have established businesses in the city. Most are from the Lanao provinces," sumala pa sa MILF. (BANAT NEWS)
- Latest
- Trending
