18-anyos nga detainee sa Danao nakaanak sa kasilyas
CEBU, Philippines - Usa ka 18- anyos nga piniriso sa Danao City Police Station ang mihimugso og batang lalaki kagahapon sa buntag sulod sa kasilyas sa maong police station alas- 9 sa buntag.
Si Roselyn Ruta, taga-Barangay Looc, giingong nananghid lang nga mangihi sa jailer nga si PO1 Doniel Capuyan apan pagkataud-taud hilak na sa bata ang nadunggan sa maong pulis.
Ang kasilyas sa mga piniriso gibuwag sa kasilyas sa mga pulis apan anaa ra sulod sa buhatan.
Si Capuyan daling mitabang kang Ruta nga daling gidala sa Danao Provincial Hospital ug luwas na ang kahimtang apan ang bata premature niyang gipanganak tungod kay pito pa kini ka buwan.
Si Ruta gisikop sa kapulisan sa miaging adlaw human malutsi og warrant of arrest sa kasong grave threats ug malicious mischief nga giluwatan ni Judge Maria Josefa Ramos sa Municipal Trial Court in Cities sa Danao City.
Si SPO2 Ildefonso Prosia, desk officer, mibutyag nga daan na silang nakahibalo nga buntis og pito ka buwan si Ruta apan wala sila kahibalo nga manganakay kini.
“Mahulog nga premature ang bata,†matud ni Prosia.
Gikatakda nga dad-on si Ruta ug ang anak niini sa Vicente Sotto Memorial Medical Center sa Cebu City alang sa mas luwas nga pag-atiman kanila. (BANAT NEWS)
- Latest
- Trending
