Laing papuan student nag-wild kay gimingaw sa ilang nasud

CEBU, Philippines - Gumikan sa iyang ka homesick usa ka Papua New Guinean national nga armado og kutsilyo ang nanghagis sud sa usa ka tindahan sa dan  A.S Fortuna sa Banilad dakbayan sa Mandaue niadtong Martes sa gabii.

Si Jason Lokani, 24, gidakop sa kapolisan tungod sa pagdala-dala og kutsilyo ug gibalhog sa Casuntingan police station.

Matud pa nga hubog kaayo si Lokani niadtong tungora maong kasohan kini og possession of bladed weapon (Batas Pambansa Bilang 6) ug paglapas sa ordinansa sa siyudad nga "drunkenness" tungod kay nagpositibo usab siya sa liquor test sa Mandaue City Hospital.

Nasayran gikan kang Casuntingan Police chief P Sr./Insp. Ramil Morpos nga ang suspek usa ka buwan pa lamang nagpuyo sa Sugbu aron motungha sa University of  San Carlos.

Nasayran nga pwerteng inom og bino ni Lokani sa iyang giabangang balay sa  Brgy. Banilad ug migawas ug nipadayon sa pag-inom sa usa ka tindahan ug dihang nisulirap na ang mata sa kahubog namuak kini og botelya.

Tungod sa iyang gibuhat dunay mga estambay nga nasinta ug mibukbok kaniya og bato hinungdan sa pagkasamad sa iyang ulo, anha na mahuwasi si Lokani ug mikaratel og dagan.

Naatlan nga naagi si Insp. Gerardo Fiel gikan sa dakbayan sa Sugbu sakay sa iyang motorsiklo ug nasugatan si Lokani nga gigukod sa duha ka mga tawo hinungdan nga iyahang gipangutana ang duha.

Matud pa nga ang mga estambay mitug-an nga dunay kutsilyo si Lokani. Tungod niini gidakop ni Fiel ang langyaw ug gidala sa Casuntingan police station ug didto miesplikar kining pang-abli ra og beer ang iyang kutsilyo.

Nakapakita og student visa ang suspek ug gihatagan siya kutob karong adlawa nga makapakita sa iyang pasaporte kay kung mapakyas i-turnover siya ngadto sa Bureau of Immigration aron ipa-deport. (BANAT NEWS)