Laing LPA sa Palawan gi-monitor sa PAGASA

CEBU, Philippines - Lain na usab gituohang Low Pressure Area ang gi-monitor sa Philippine Atmospheric Geophysical and Astronomical Service Administration diha sa Palawan kagahapon.

Kini samtang padung na paggawas ang Tropical Storm Dante (international code name: Yagi) sa  Philippine area of responsibility (PAR) padung sa Japan.

Sumala pa sa report sa GMA News.tv, si PAGASA forecaster Jori Loiz miingon nga ang potential low-pressure area nga karon nasigpatang baga kaayo nga panganod ang nasigpatan diha sa kasadpang bahin sa Palawan. Wala pa hinuon giiisip nga maporma kini usa ka bagyo. Ang Metro Manila nakasinati na og  mga panagsang pagbunok sa ulan, dugdog ug kilat ilabi na sa gabii ug sa hapon.

Ang Tropical Storm Dante uwahing nasigpatan padung sa north-northeast sa gikusgon nga 15 kph  ug gipaabot nga mosud sa teritoryo sa  silangang bahin sa Okinawa, Japan ug gawas na sa Philippine area of responsibility karong adlawa. (/EIM) (BANAT NEWS)