33 pa ka siyudad ug lungsod ang nahuman og eskutenyo
CEBU, Philippines - Dili pa makaproklamar ang Commission on Election-7 (Comelec) sa Central Visayas sa mga mananaog nga mikandidato sa eleksyon gumikan sa mga problema nga nasugatan niini atol sa pag-ihap na sa mga botos nga nagagikan sa mga nagkadaiyang munisipalidad ug siyudad sa Sugbo.
Matud ni Provincial Comelec Supervisor Atty. Eddie Aba nga wala pay protocol silang nadawat gikan sa kaulohan nga nagtugot nga magdeklarar sila og mananaog nga dako na og labaw batok sa mga kontra bisan duna pay mga presinto nga wala pa ma-ihap.
Gitugotan lamang nga makadeklarar ang Comelec sa mga partial winners kung duha o tulo na lang ka mga presinto sa mga siyudad o munisipalidad ang wala pa naihap.
Usa sa gitumbok nga hinungdan nganong nalangay ang resulta sa eleksyon mao ang pagkaguba sa CF (Compact Flash) Cards nga nagsilbing memory card sa PCOS machine.
Atol sa pagsulat ning balita aduna nay 33 ka mga munisipalidad ug siyudad nga nahuman sa pag-tally sa mga boto.
Nahibaw-an nga sa 1,019,150 nga mga registered voters sa Sugbo 825,098 pa ang nakita nga mibotar.
Mensahe ni Aba sa mga kandidato nga dawaton na lang unya ang resulta sa eleksyon bisan pa man sa kapildihan gumikan kay basin dili pa nila panahon. (BANAT NEWS)
- Latest
- Trending
