Comelec-7 wa mahulga sa signal jammers
CEBU, Philippines - Wala mabalaka si Comelec regional director Temie Lambino sa mga “signal jammers†nga giingong makapabalda sa pag-transmit sa resulta sa mga Precinct Count Optical Scan (PCOS) sa mga resulta sa eleksyon tungod kay dili niini mamanipula ang mga resulta sa umaabot nga piniliay sa Mayo 13.
Iyang giklaro nga mahunong ra ang pag-transmit apan mabalik ra gihapon kini tungod kay naa silay lima ka signal providers sama sa Broadband Global Area Network, Smart, Globe, Suncellular ug very small aperture terminal (VSAT) nga motabang kanila aron ipasa ang resulta sa Board of Elections ug Municipal Board Canvasser.
Dili sad sila apektado sa mga jammers apan iyang giklaro nga kun mamanipula sa mga signal jammers ang ilahang lima ka signal providers, ilaha gihapong mahatud “physically†ang mga compact flash (CF) cards sa mga PCOS machine ug basahon ra gihapon sa card readers ang CF cards sa resulta.
Dugang pa niya, dili angay mabalaka ang katawhan kay mo-print sad og 30 ka kopya sa mga resulta ang PCOS machine ug naa na pud silay mga election returns ug uban pang mga dokumento sa dili pa i-transmit ang mga resulta.
Ang Department of Interior and Local Government (DILG), Comelec ug National Telecommunications Commission (NTC) miawhag sa mga katawhan nga i-report kung duna silay masakpang migamit og signal jammers atol sa piniliay.
Ang masakpang signal jammers nga mosabotahe sa piniliay mamahimong makasuhan og kriminal ug mapriso sulod sa walo ka tuig. (Fiona Jane V. Bacuado, CNU Intern/EIM) (BANAT NEWS)
- Latest
