TV adds sa diaper panginsulto sa Lapulapu
CEBU, Philippines - Dakong insulto sa kasaysayan sa Isla sa Mactan ug sa kinabuhi ni Datu Lapulapu ang usa ka TV Commercial sa diaper nga padayong gipakita sa katawhang Filipino.
Kini ang gikasagmuyo ni Lapulapu City Mayor Paz Radaza atol sa usa ka press conference kagahapon sa buntag.
Matud pa ni Mayor Radaza daghan na siya og nadawat nga reaksiyon sa mga Oponganon ug mismo siya nakakita sa maong TV adds (EQ diapers) nga nagtuis sa kasaysayan sa pakigbatok ni Datu Lapulapu kang Ferdinand Magellan sa dihang buot sakopon niini ang Isla sa Mactan.
“Daw sa gibugalbugalan ug gihimong kataw-anan ang kasaysayan diin magtoo na lang ang mga bag-ong tubo nga kabataan nga tungod sa “diaper†ang hinungdan sa away ni Lapulapu ug Magellan,†matud pa ni Radaza.
Gumikan niini naglaraw si Mayor Radaza nga mopaabot sa iyang reklamo ngadto sa National Historical Commission aron mahatagan kini og pagtagad sa maong ahensya ug kahatagan og leksiyon ang kompaniya nga nagmugna sa maong TV adds.
Gihangyo usab niya ang tag-iya sa maong kompaniya nga tangtangon ang maong TV adds ug papangayoon sila og pasaylo sa publiko kun dili sila gusto nga mapasakaan og kiha.
Gipasabot ni Radaza nga lakip sa paghingan sa isdang Lapulapu, adunay ordinansa ang dakbayan sa Lapulapu nga mao ang City Ordinance no. 257-96 nga nagdili sa pagtawag sa isdang “Pugapo†ngadto sa Lapulapu kay dili kini mao ang ngan sa maong isda ug nakahatag kini og kadaot sa dungog sa unang Filipinong Bayani nga si Datu Lapulapu.
Sa umaabot Abril 27 mao na usab ang laing hugna sa paghandom sa kasaysayan sa unang bayani sa nasud nga si Datu Lapulapu nga nakigsangka sa langyaw nga si Ferdinand Magelland atol sa Battle of Mactan. (BANAT NEWS)
- Latest
