National prolife rally ipahigayon sa Abril 13
CEBU, Philippines - Usa ka dakong rally sa mga pro-life advocates ang ipahigayon sa Sugbo dungan sa nasudnong kalihokan sa maong pundok karong Abril 13.
Kini mao’y gipahibawo ni Pro-Life chairman Fe Baragino kagahapon atol sa panagtapok sa mga lay workers sa Simbahang Katoliko diin ang sentro mao ang election discernment.
Ang Council of the Laity mao’y nangulo sa maong tigom nga gitambongan sa nagkadaiyang parokya sa archdiocese sa Sugbo.
Una nang namahayag ang grupo nga aduna usab sila’y lista sa mga kandidato nga angay ug dili angay’ng tabangan sa Mayo 13 nga piniliay, susama sa nanggawas nga kontrobersyal nga “Team Patay, Team Buhay†tarpaulins. Dihang gipangutana nganong wa sila mag apil-apil sa pagpamutang sa mga posters, si Bagarino mipasabot nga dili pa karon ang tukmang panahon.
“Dili usa nato ipagawas ang atong lista sa pagkakaron. Kay nagkinahanglan pa kini og daghang pagtuon ug diskusyon. Kagubtan ra unya kini sa atong mga kaubang manimbahay,†matud ni Bagarino.
Gidugang niya nga ang pag-anunsyo sa lista dili angay nga mag-una sa ilang labing dakong rally nga buhaton sa tibook nasud.
Ang Council of the Laity nalambigit usab sa Red Ribbon Campaign sa mga maglilihok sa simbahan isip pagpahinumdum sa ka-mahinungdanon sa kinabuhi nga usa sa nangusog kontra sa kaniadto Reproductive Health bill nga nahimo na karong balaod. (BANAT NEWS)
- Latest
