Job opportunities idlas bisan pa sa gradwado sa kolehiyo

CEBU, Philippines - Tutukan sa ig-agaw ni Presidente Benigno Aquino ang pagpadaghan sa katrabahoan sa mga Filipino.

Matud pa sa pamahayag sa kampo ni Bam Aquino nga karong milambo na ang ekonomiya tungod sa “tuwid na daan” nga kampanya sa pangulo panahon na nga mapadaghan ang trabaho alang sa katawhan.

Si Bam kinsa usa sa mga miabot dinhi sa Sugbo alang sa campaign rally sa Liberal Party miingon nga ang pagbukas og bag-ong trabaho ilabi na alang niadtong mga bag-ohay nakahuman sa pagtungha.

Isip usa ka negosyante, ang kanhi chairman sa National Youth Commission nga si Bam nakakita sa kakulangon sa trabaho alang sa kabataan.

“Kada taon, daan-daang libong kabataan ang nagtatapos sa kolehiyo at nangangamba kung makakahanap ba sila ng trabaho. Kailangan nating siguruhin na mayroon silang mapapasukan pagkatapos ng graduation para kumita sila kaagad,” matud pa ni Bam.

Sumala pa niya nga karong mga panahona dili na paigo nga nakahuman og kolehiyo sa usa ka nindot nga unibersidad o ba kaha diploma nga ikapakita aron makatrabaho.

"Hindi rin sapat na ang mga unibersidad at kolehiyo ay namimigay lang ng diploma. Unang-una, kailangan nilang siguruhin na ang mga skills na tinuturo nila ay angkop sa mga trabaho sa kanilang komunidad.

Pangalawa, kailangang may job placement programs rin ang mga paaralan," matud pa sa batan-ong Aquino kinsa mao usab karon ang labing bata nga kandidato sa pagka-senador.

Plano ni Bam nga dunay "school-to-job matching" programs ang mga eskuylahan ug palig-unon pa ang mga programa sa skills training sa mga tech-voc courses, ug kinahanglang apilon niini ang mga out-of-school youth.  (BANAT NEWS)