Wanted miduaw sa eskuylahan gigukod sa mga tawo, kauban mitahan
CEBU, Philippines - Naukay kagahapon ang Naga City Elementary School sa barangay Poblacion dihang misuway unta sa pagkuha sa iyang anak nga estudyante sa grade one ang usa sa most wanted person sa maong siyudad.
Si Danilo Villarico, taga barangay West Poblacion, sa nahisgutang siyudad nagpakaaron-ingnong mahuyang ug misulod diha sa tunghaan apan nailhan kini sa mga estambay ug gigukod.
Ang maong suspetsado nakaipsot kini sa mga polis ug tanod nga mitubag sa alarma ug migukod kaniya. Ang warrant of arrest sa suspek ug mga kaubanan gipagawas ni Regional Trial Court RTC Branch 5 judge Douglas Maregomen tungod sa kasong Robbery with Homicide.
Si Superintendent Eduardo Saavedra, hepe sa Naga City Police Station mibutyag nga dunay nahitabong komosyon apan iyang giklaro nga sukwahi sa report walay nahitabong hostage taking.
Ang kapolisan sa siyudad sukad niadtong Martes nagpahigayon kini og operasyon sa pagsikop sa tulo ka mga notadong tulisan sa Naga nga sila si Villarico, Julito Bacaro, ug usa ka giila lang sa ngalan nga “Gabuya.â€
Si Saavedra mibutyag nga gawas sa kasong robbery with homicide, si Villarico duna usab kini kasong murder.
Sayo pa si Bacaro una nang mitahan sa kapitan sa barangay Uling nga si Justino Dakay diha sa police station tungod sa kasong robbery with homicide diin ang biktima mao ang mag-uuma nga si Teofilo De Gracia, 65.
Si Saavedra mibutyag usab kini nga si Bacaro giingong nakapatay usab sa lungsod sa Minglanilla sa milabay’ng mga semana. (BANAT NEWS)
- Latest
