Ginang nga “pusher” nadakpan sa PDEA
CEBU, Philippines - Nasikop sa mga sakop sa Philippine Drug Enforcement Agency (PDEA-7) ang usa ka gipasanginlang level 2 drug pusher sa barangay Calawisan sa syudad sa Lapu-lapu pasado alas-3 sa miaging hapon.
Ang nasikop mao si Maria Laura Baguio, molupyo sa maong lugar kinsa matud pa sa tigpamaba sa PDEA-7 nga si Jessie Tabanao kauban sa iyang bana nga si Elven namaligya og illegal nga drugas sa maong dapit.
Matud pa ni Tabanao nga sulod na sa usa ka bulan silang mipahigayon og surveillance ug test buy sa magtiayon hinungdan nga mipahigayon na sila og operasyon sa miaging hapon.
Apan wala diha si Elven maong ang ginang ra maoy ilang nadakpan human mobaligya kanila og lima ka bultong “shabu†nga nagkantidad ang usa og 25 mil diin ang lima mokabat sa kapin 200 mil pesos.
Apan si Baguio mihimakak sa pasangil nga namaligya sila og illegal nga drugas. (/EIM) (BANAT NEWS)
- Latest
