Usa ka jeep padulong managkot sa simala nadisgrasya, 8 angol

CEBU, Philippines -  Siyam ang naangol apil na ang drayber sa usa ka gipakyaw nga jeep pasaheroan sa mga managkotay unta sa Birhen sa Lindogon sa lungsod sa Sibonga samtang nagpadulong diha sa highway sa barangay Bolinawan siyudad sa Carcar niadtong nilabay’ng adlaw.

Ang naangol nga drayber sa pasaheroan mao si Raymundo Lapaz, 42,  ug nagpuyo sa Bas Perrelos sa siyudad sa Carcar ug ang mga pasahero niini.

Giila ang mga pasahero niya nga naangol mao sila si Jennifer Lapaz, 36, Jovan Mansera, 52,  Saturnina Apura, 61,  Emilia Lapaz, Jose Arcipe, 54, Jovy Mansira, 24, Jane Sausoy, 19, Rowero Lapaz, 34, pulos mga taga siyudad sa Carcar.

Matud ni SPO1 Eduardo Bagol, ang traffic investigator sa Carcar City Police Station dihang nahinabi sa Banat News gipakyaw sa mga pasahero ang sakyanan ni Lapaz gikan sa Sityo Mahayahay sa barangay Tuyom aron managkot sa Sibonga.

Samtang nagbiyahi kalit lang nipalyar ang brakes niini ug tungod sa kakusog sa dagan nitipas kini padulong sa sementadong paril.

Ang mga biktima  gihatud  sa Carcar District Hospital ug  Vicente Sotto Memorial Medical Center.  (BANAT NEWS)