MANOBELA: Human sa aksidente sa Alcoy
CEBU, Philippines - Prangkisa sa tulo ka ceres bus gisuspenso
Tungod sa disgrasya nga nahitabo kagahapon sa Alcoy, sa Ceres bus liner ug sa Honda Civic car, gisuspenso sa Land Transportation Franchising and Regulatory Board (LTFRB)-7 ang tulo ka Ceres bus liners nga adunay parehas og franchise number. Si LTFRB regional director Ahmed Cuizon nagkanayon nga ang tulo ka Ceres buses nga adunay franchise number 07-0086 sa Vallacarta Transit Inc., gisuspenso gyud dayon human sa aksidente. Ang suspenso mokabat hangtud sa 30 ka adlaw.
“We suspended the three buses immediately, effective today (yesterday) right after the accident because we already receive the report. It will be 30 days suspension,†matud pa ni Cuizon.
“Whenever it is involving public utility, our decision is of public safety, reason why we suspended the bus regardless ug kun kinsa ang sad-an,†giklaro ni Cuizon.
Isip parte sa standard operating procedure sa LTFRB, ang mga drivers mopailawom og safety seminars, samtang ang mga units susihon sa road worthiness test.
Matud pa ni Cuizon, nga sa nagsunod-sunod nga mga road accidents nga nahitabo, wala sila magkulang sa pag-pahimangno sa mga bus operators sa mga safety reminders.
“We had been briefing the operators on our safety reminders. They should disseminate this to their drivers,†niya pa.
Dugang pa ni Cuizon, nga usa na kini ka requirement sa mga operators inig pa-renew na nila sa ilang franchises, ipakita nila ang dokumento nga nagpamatuod nga ang ilang mga drivers niagi gyud og safety seminars conducted by Technical Education and Skills Development Authority (TESDA).
Sa laing bahin, midugang si Cuizon nga ang Passenger Accident Management and Insurance (PAMI) Agency nagsugod na og pang apod-apod sa mga insurances kagahapon sa mga pamilya sa onse ka nangamatay sa aksidente sa barangay Uling sa siyudad sa Naga sa nakalabay nga semana.
Apan imbes nga P40,000 insurance, ang PAMI mihatag lang og P35,000, nga paigo lang sa napulo ka tawo apan adunay naapas nga usa ka patay, maong gibahin una ang kwarta sa onse ka nangakalas. (BANAT NEWS)
- Latest
