Matag eskuylahan patukoron og plant nursery

CEBU, Philippines - Ang Department of Environment and Natural Resources (DENR-7) miawhag  sa mga kadagkoan sa tulunghaan dinhi  sa Central Visayas  pagtukod  og  plant nursery  sa ilang tagsa-tagsa  ka  campus aron makatabang  sa National Greening Program (NGP)  sa kagamhanan. 

Si DENR-7 Regional Executive Director Dr. Isabelo Montejo   nagkanayon  nga  ang  tanang  eskuylahan  ma-publiko  man  ug  ma-pribado  dako kaayo  og  ikatabang  niining maong  programa.

Kini  pinaagi sa pagpaturok  nila  og  mga  lumad apan   lig-on  nga  mga  kahoy  nga ikapananom  sa  mga  upaw  na  nga  kabungtoran  sa rehiyon.

Mokabat  sa 3, 600 ka mga binhi sa kahoy nga makaplagan dinhi sa nasud,  diin  ang  ilado  kaayo  mao  ang    Pterocarpus indicus, o narra  nga  maoy  nasudnong kahoy   ug usa sa labing  lig-on nga kahoy sa kalibotan. (WC)(BANAT NEWS)