Kinabuhi ni San Pedro Calungsod usa sa highlights sa Sinulog 2013

CEBU, Philippines - Ang canonization sa ikaduhang Pilipino nga santo nga si San Pedro Calungsod, nga usa ka Sugbuanon, maoy usa sa highlights sa Sinulog Grand Finale karung Enero 20 atol sa Sinulog Grand Parade, nga maoy kapistahan ni Senyor Santo Niño.

“Cebu City: Turning diamond. Gems of the past, brilliance of the present,” mao ang tema karung tuiga, diin i-pasundayag ang mga importanteng nahitabo sa Sugbo matag-dekada hangtud sa kasamtangang panahon, diin ika-75 na ka tuig.

Si Ricky Ballesteros, ang executive director sa Sinulog Foundation Inc., nagkanayon nga ang pinaka-significant nga panghitabo sa Sugbo karung tuiga mao ang canonization ni San Pedro Calungsod niadtong Oktubre 21 sa Rome, Italy.

“At present, the most significant that had happened for Cebu is the canonization of Pedro Calungsod, so it will be one of the highlight of the Sinulog grand finale as we celebrate the 75th year of this annual festivity,” matud pa ni Ballesteros.

“It’s good that they included San Pedro Calungsod and they gave importance to our newly-canonized saint,” matud pa ni  Msgr. Achilles Dakay, ang tigpamaba sa Archdiocese of Cebu. (BANAT NEWS)