CEBU, Philippines - Si Kongresista Enrico Aumentado sa ikaduhang distrito sa lalawigan sa Bohol mitaliwan na sa laing kalibotan gumikan sa sakit nga pneumonia didto sa St. Lukes Hospital niadtong Martes sa alas 8:00 sa gabii.
Si Aumentado kinsa magpapili pa unta pag-usab sa umaabot nga election sa 2013 namatay sa edad nga 72.
Una siya mapili sa pagka-magbabalaod sa Kongreso, usa siya ka gobernador sa lalawigan sa Bohol nga maoy nakapaugmad sa circumferential road sa tibuok lalawigan.
Usa ka periodista, abogado ug nabantog sa daghang kaayohan nga iyang gidalit sa katawhan sa Bohol.
Giisip siya nga ikaduha sa nabantog na kaayo nga si kanhi Presidente Carlos P. Garcia sa Bohol. (BANAT NEWS)