Produksyon sa manok ug itlog wala maapektuhi ni Pablo

CEBU, Philippines -  Wala maapektuhi sa bagyong Pablo ang produksyon sa manok ug ingon man itlog nga pangitaon kaayo nunot niining kapaskuhan sumala pa sa Provincial Veterinarian's Office. Sumala pa sa hepe sa Provincial Veterinarian's Office nga si Mary Rose Vincoy nga ang lalawigan sa Sugbo daghan og kakuhaan sa supply sa manok ingon man usab mga itlog alang niining bulan sa Disyembre.

Sigon pa ni Vincoy nga padayon ang daghang supply sa mga egg poultry sa isla sa Bantayan.

Gawas niini, si Vincoy nagkanayon usab nga gawas sa Bantayan, may daghan usab nga kakuhaan og supply sa manok  ug itlog gikan sa ubang bahin sa lalawigan sa Sugbo.

Kini tungod kay ubay-ubay na man ang mga magpapatigayon nga nibubo og puhanan sa pagtukod og poultry sa manok dinhi sa lalawigan sa Sugbo.  (BANAT NEWS)