Giluba sa kainom kritikalc

CEBU, Philippines - Kritikal ang kahimtang  sa usa ka lalaki  human dunggaba  sa gikainom niining silingan sa sitio Sac 2, barangay Mactan, dakbayan sa Lapulapu  sa miaging  hapon.

Ang biktima mao si Richard Ebale, 36 , minyo, samtang   ang suspetsado mao usab si Reynaldo Yana, hingkod, managsilingan niini sa maong dapit.

Si SPO1 Allan  Pantaleon sa Homicide Section sa kapolisan sa maong dakbayan nga nahinabi sa Banat News miingon nga nakig-inom ang biktima sa suspetsado kauban sa upat nila ka  higala sa usa ka tindahan nga nahimutang dili layo sa ilang mga balay.

Nagsugod sila og  inom human sa ilang  pamahaw ug nagpadayon  hangtud   sa hapon.

Gumikan  sa gahum sa alak, nangalasbag  ang  tanan  nga  misangpot  sa nagkalandrakas  nga  mga estorya ug  mga  komedya.

Matud pa ni SPO1 Pantaleon nga may  mga komedya  ang  biktima  nga  wala  hiayoni  sa suspetsado  nga  maoy  sinugdan  sa ilang lalis.

Ang suspetsado  nga  wala  kaagwanta milakaw  nga  way pananghid  sa iyang  mga  kauban.

Apan mibalik kini  nga nagdala  og  kutsilyo  ug  dihang  gisugat  sa biktima, gihansakan  kini  sa tiyan hinungdan  sa pagkahagba  niini sa yuta.

Dihadiha  gialsa  dayon  sa mga kauban  ug  gihatod     ngadto sa Vicente Sotto Memorial Medical  Center sa dakbayan sa Sugbo samtang  ang  suspetsado  dali usab  kaayong  nakaikyas ug  hangtod  sa pagsuwat  ning  balita  gipangita  pa  sa kapolisan. (/WC) (BANAT NEWS)