3 mil nanumpa sa One Cebu

CEBU, Philippines - Mikabat  sa  3 mil  ka mga molupyo sa  lungsod   sa Alcantara ang nanumpa isip miyembro sa One Cebu Party didto sa Alcantara Big Dome sa miaging  Biyernes.

Si Mayor  Prudencio Barino Jr.  sa Alcantara   nagkanayon  nga  nagkahiusa  ang  maong  mga  molupyo  sa ilang tuyo  nga makabaton  sila  og  maayong  kaugmaon  sa panginabuhi

Gipasabot  ni  Barino  ang  mga  bag-ong nagpa-miyembro  sa One Cebu  nga  dili  sila  mapakyas  sa ilang  gilaoman  gikan  sa  mga  kandidato  sa maong  partido kun kini  modaog  sa  piniliay  sa sunod  tuig.

Matud  pa  ni Barino  nga nalipay kaayo  ang  mga  molupyo  dihang  iyang  gipasalig  nga  tanang  mga  mag-uuma, mananagat,  mga  negosyante, ug bisan  ang  mga  walay trabaho mabuhong  unya  silang tanan  sa mga kaayohan  nga  ihatag  kanila  kun  modaog  ang  mga  kandidato  sa One  Cebu  nga  ilang  pilion  unya sa piniliay.

Ang  hiniusang  pagpapanumpa  sa bag-ong  nagpasakop  sa One  Cebu  gipangunahan  ni  Gobernador  Gwendolyn  Garcia. (Chester Abadilla/WC) (BANAT NEWS)