CEBU, Philippines - Maayong pagkabuslot sa liog sa usa ka gwardiya human gisuwayang ilogan sa iyang armas sa usa ka lalaki sa miaging adlaw diha sa dalan Colon barangay Sto. Niño syudad sa Sugbo.
Ang gwardiya mao si Erosmel Leonigao Almacin, 37, taga barangay Tipolo sa syudad sa Mandaue ug sakop sa Maya Security Agency samtang ang suspetsado nga iyaha usab napusilan mao si Manuel Dumalag Trocio.
Sa imbestigasyon sa kapolisan nasayran nga ang biktima kasamtangan nga nag-duty sa usa ka prendahanan sa maong dapit dihang kalit nga miabot ang suspek ug gisuwayan og ilog ang armas ni Almacin.
Dihang gipugngan sa biktima ang suspek kalit siyang gihansakan og kutsilyo diha sa liog ug sa tiyan apan napakyas ang suspek pagkuha sa armas ug napusilan pa hinuon siya ni Almacin diha sa walang tuhod.
Si Almacin daling gidala sa Cebu Doctors Hospital samtang ang suspetsado gidala sa Cebu City Medical Center.
Gisusi karun sa kapolisan ang kung agaw-armas ra ang motibo sa krimen. EIM (BANATNEWS)