CEBU, Philippines - Gidunggab patay sa 11- anyos nga dalagitang wala makaagwanta sa gibuhat sa iyang amahan ngadto sa iyang inahan nga giyak-an human bunali og kahoy sa ulo ug gisuwayan pa unta og gabas ang mga paa.
Ang makakurat nga insidente nahitabo diha sa panimalay sa maong pamilya (pangalan gipugngan sa Banat News aron panalipdan ang pagkatawo sa mga nalambigit nga mga sakop sa pamilya tungod sa ilang mga edad) sa barangay Canvbanua sa lungsod sa Argao niadtong Domingo sa gabii. Ang 38-anyos nga amahan igo lang nakadagan og usa ka gatos metros ug nalup-og tungod sa samad dinunggaban sa dughan. Ang ginikanan sa dalagitang suspek nga tinun-an usab sa grade six sa pangpublikong tunghaan dili kasado, tulo sila ka mga anak sa duha. (BANATNEWS)