CEBU, Philippines – Ang kapulisan mibutyag nga dili drugas ang motibo sa pagpamusil niadtong Sabado sa gabii nga mipatay og duha ug miangol og laing duha lakip na ang menor de edad sa Barangay Victoria, San Remigio.
Si Sr. Supt. Patrocinio Comendador, hepe sa kapulisan sa lalawigan sa Sugbo mibutyag nga pagpanimalos ang motibo sa mamumuno dihang gipusil niini si Teodoro Remando, 53, nga miangol nila ni Rolando dela Cruz Dacayana, 49; 17-anyos paryente ni Remando, ug Celadel Marianito, 32, samtang nanan-aw ug TV.
Apan nagdumili si Comendador sa pagbutyag kung si kinsa ang suspetsado nga karon gipangita na sa kapulisan sa San Remigio.
“Sa pagkakaron dili pa nato masulti kung unsay tuyo sa mamumuno kay it will lead to the identity of the gunman,” matud ni Comendador. Si Teodoro Sr. natusaktusak sa bala dihang gipusil sa mamumuno. Patay usab ang kauban niini nga si Dacayana. (EIM) BANAT NEWS