CEBU, Philippines - Wala pay kompirmasyong nadawat ang Malacañang gikan sa Department of Foreign Affairs ug sa Philippine Navy kabahin sa report nga namiya na sa kadagatan sa Pag-asa island ang kapin sa 20 ka mga barkong panagatan sa China nga gituohang miguba sa mga gasang didto gawas sa pagpangisda.
Si Deputy presidential spokesperson Abigail Valte nagkanayon sa report sa GMA News Online, wala pay opisyal nga report silang nadawat kabahin niini.
Ang Malacañang nagdumili paghatag og komento kabahin niini hangtud nga walay kompirmasyon gikan sa militar nga namiya na gyud ang mga intsik sa maong dapit.
Si Western Command spokesman Lt. Col. Niel Estrella miingon nga sa uwahi nilang maritime air surveillance sa maong dapit gamay nalang ang mga panagatan sa China sa maong dapit. (BANAT NEWS)