CEBU, Philippines - Si Konsehal Choy Aznar sa dakbayan sa Talisay nanawagan na usab sa publiko sa kanunay’ng pagpanglimpiyo sa palibot aron malikayan ang dengue.
Si Aznar nagkanayon nga ang Hulyo maoy gitawag nga nutrition month apan sa pagsaulog sa nutrition month gisentro nila ang kampaniya batok sa dengue.
Ang dengue task force padayon sa ilang pagsuroy-suroy diha sa kabarangayan sa siyudad pagpahimangno sa katawhan sa pagpanglimpiyo sa ilang palibot ug puhagon ang mga itloganan sa mga lamok.
Kahinumduman nga usa ka 4-anyos nga batang babaye nga taga barangay Lagtang ang namatay niining ulahi tungod sa dengue. Ang task force nanghatag og papel nga dunay mga pamaagi sa pagsumpo sa dengue. (BANAT NEWS)