Pinoy novelist
1895— Gipanganak ang Filipino novelist nga si Zoilo M. Galang sa Bacolor, Pampanga kinsa maoy labing unang Filipino nga nagsulat og nobela sa pinulongang Englis nga gititulohan og "A Child of Sorrow."
Nakatabok sa Atlantiko
1983—Namatay human mahagsa ang hot air balloon sa usa sa labing unang tawo nga nakatabok sa Atlantiko luwan sa usa ka balloon nga si Maxie Anderson. Si Maxie Leroy Anderson kauban kaniadto ni Ben Abruzzo ug Larry Newman dihang ilang gitabok ang Atlantiko niadtong Agosto 11-16 1978. Si Anderson misuway unta sa pagtabok sa kaniadto komunistang East Germany niadtong Hunyo 27,1983 apan wala tuguting makatabok ug dihang misuway na lang unta siya pag-landing naguba ang release clamp sa iyang hot air balloon ug nahagsa nga maoy iyang gikamatyan.
Atomic power pang-kuryente
1954—Unang napamatud-ang dili lang maayong materyal ang nuclear alang sa paggama og mga bomba. Ang Russia niadtong Hunyo 27,1954 maoy unang nasud nga migamit og atomic power nga mosuplay og kuryente sa lungsod sa Obninsk sa kaniadto U.S.S.R. Ang maong planta migamit og gamay nga graphite moderated, water-cooled reactor, ug makahatag og 5 megawatts nga kuryente. Gigamit hinuon dili lang sa mga sibilyan ang reactor niini sanglit samtang kini nag-operate gitun-an usab sa militar ang posibilidad nga pinaagi sa nuclear reactor makapadagan kini og submarino. Niadtong 2002 gitak-opan kini tungod kay wala mokita. Apan karon ang Russia (usa sa 15 ka republika sa nabungkag nga USSR) aduna nay nuclear powered submarines.
News report pinaagi sa telegraph
1847—Nakonektar ang New York ug Boston pinaagi sa telegraph wires. Tungod niini ang mga pamantalaan sa New York makakuha na og mga balita gikan sa gawas sa Amerika nga gidala sa mga mensahero luwan sa Cunard steamers nga anha modunggo sa Boston gibanabanang 190 milya gikan sa New York. Dihang naabot ang sirkulasyon sa Cambria ngadto sa Boston, tulo ka New York Newspapers ang pareho niini og unod nga mga balita niadtong Hulyo 18, 1846.