LGU gimonitor sa pagpatuman sa nutrition program

CEBU, Philippines - Ang National Nutrition Council (NNC-7) pinaagi sa Regional Nutrition Evaluation Team (RNET) mipahigayon og ebalwasyon sa ubang Local Government Units (LGU) bahin sa ilang implementasyon sa mga programa kalabot sa nutrisyon.

Si NNC-7 Nutrition Program Coordinator Dr. Parolita Mission miingon nga ang RNET misuta karon sa   Local Level Plan Implementation (MELLPI), bahin sa nutrisyon diin anhi usab pilia ang Regional Outstanding Barangay Nutrition Scholar.

Tumong sa MELLPI nga sukdon ang kaepektibo sa pagpatuman sa mga komunidad sa Local Level Plan nga programa sa nutrisyon ug ang kausaban sa kahimtang sa nutrisyon sa mga kabataang wala pa magtungha ug niadtong anaa na sa eskuylahan.

Gusto usab masayran sa NNC kun nagtinarong ba ang mga LGU sa   pagpatuman sa mga programa nga gitumong alang sa kaayohan sa panglawas sa kabataan pinaagi sa pagtuman sa mga panukdanan nga gitudlo sa NNC.

Ang RNET mosil-ing usab   sa abilidad sa nominado pagka -Regional Outstanding Barangay Nutrition Scholar kun takus ba o kwalipikado   nga mahimong scholar.

Ang Green Banner Award ihatag usab ngadto sa mapili sa lungsod, syudad, ug probinsya nga nakakuha sa outstanding performance sa pagpatuman   sa programa sa nutrisyon samtang ang Consistent Regional Outstanding Winner Nutrition (CRWN) nga pasidungog ihatag ngadto sa lungsod, syudad ug probinsya nga gihukman pinaagi sa interagency regional nutrition evaluation team, isip     outstanding sa rehiyon sa pagpatuman sa programa kalabot sa nutrition sulod sa tulo ka tuig nga walay bugto sa ilang nutrition plan. (BANAT NEWS)