Milagro sa Danao imbestigahon

CEBU, Philippines - Ang Archdiocese of Cebu mipadala sa mga paring imbestigador sa giingong pagbutho sa usa ka giingong milagrosong imahe sa syudad sa Danao nga gihugopan karon sa mga tawo.

Si Fr. Emilio Bataclan, bishop-in-charge sa Cebu fourth district diin nahisakop ang Danao, nagkanayon nga ang mga presidente sa Parish Pastoral Council ug Committee on Worship maoy gitahasang mohimo og report sa maong panghitabo.

Miingon si Bataclan nga niadto lang Domingo niya nahibaw-an ang balita nga giingong may napormang dagway ni ‘Hesu Kristo’ sa usa ka bungbong sa Danao City public market. Hinuon, may mga nadunggan siyang dunay pipila nga nangwarta niini.

“Duna’y hungihong na duna’y nagpa-milagro-milagro namaligya og tambal like lana ug kandila. If moabot ta ana nga angle, then we are wary na. Kuyaw na ni, basin gisud ni’s bulsa,” matud pa niya. Ang maong imahe niadto pang Biyernes sa gabii gitapuk-an sa mga tawo ug naghalad og mga kandila ug buwak, nagtuo ang mga vendors nga senyales kini nga may usa ka katalagmang moigo sa ilang dapit.