Abarquez posibleng VM sa LP Talisay

CEBU, Philippines - Si Kanhi Bise Mayor Lanie Abarquez maoy posibleng ituboy sa pagka-bise mayor sa partido oposisyon sa dakbayan sa Talisay   sa umaabot nga election, matud pa ni Konsehal Romeo Villarante.

Si Villarante nagkanayon nga aduna na silay long list sa mga mokandidato ubos sa Liberal Party (LP) apan ila pa kining gihashasan karon.

Midugang siya nga unya na nila opisyal nga ipahibawo ang tanang kandidato sa LP alang sa Talisay lapas sa Abril 30, 2012.

Bahin sa kandidato sa pagka-mayor, si Villarante nagkanayon nga sabotan pa sa amahan ug anak nga si Lito ug Mimo Osmeña kun kinsa kanila ang molansar sa pagka-mayor sa maong dakbayan.

Samtang   gitino na ni Villarante nga si Hilario “Jun-Jun” Davide   maoy mokandidato sa pagka- gobernador sa probinsiya.

Si Mayor Antonio “Abby” Canoy sa lungsod sa San Fernando usab maoy gitakdang modagan isip Kongresista sa unang distrito sa lalawigan.

Si Villarante mibutyag nga ang ilang grupo kanunay na nga magpahigayon og mga meeting matag karon ug unya. (BANATNEWS)