CEBU, Philippines - Dugang pang kahigayonan sa panarbaho ang moabot sa Sugbo sumala sa mga sakop sa Al Jaber Trading and Contracting Co.(AJTCC) W.L.L kagahapon.
Ang mga kadagkoan sa maong kompaniya nga nagbase sa Qatar nakighinabi kang Gobernador Gwendolyn Garcia sa buhatan niini sa Kapitolyo.
Si Capitol Consultant of Labor Market Information, Dr. Mathea Baguia nagkanayon nga ang nahisgutang kompaniya ilado kaayo didto sa Qatar.
Sigun pa ni Baguia nga ganahan kaayo ang maong kompanya dinhi sa Sugbo tungod kay daghang mga skilled worker nga kwalipikado sa gikinahanglan nilang matang sa trabahante.
Gani nagplano ang maong kompanya nga mosalmot unya sa mga overseas job fair sa Public Employment Service Office ( PESO) sa Kapitolyo
Matud pa ni Ahmed Nassar, Human Resource Manager sa nahisgutang kompanya, nga aduna na silay maayong relasyon sa mga Filipino worker didto sa Qatar ug gani ang ilang pagbisita sa Sugbo resulta sa mga sugyot nga dinhi adunay daghang mga qualified worker. (BANATNEWS)