Mayor mosuporta sa CPRA

CEBU, Philippines -  Ang mga mayor sa kalungsoran mipadayag og hugot nga suporta sa mga tinguha sa Cebu Provincial Reclamation Authority (CPRA) nga gipangulohan ni Gov. Gwen Garcia alang sa ugmarong mga reclamation project sa kalungsoran.

 Atol sa gipatawag nga tigum   sa gobernador si   Mayor Alan Adlawan sa Asturias nagkanayon nga importante kaayo ang otoridad sa CPRA nga maoy labing adunay gahum sa pagtugot sa pagahimuong mga reclamation project sa mga kalungsoran ug sa mga component cities sa probinsiya sa Sugbo.

Gidayeg usab ni Adlawan ug mga kaubanang mga mayor   ang tinguha ni Gobernador Garcia kinsa mipasabot nga ang kagamhanan sa probinsiya ra maoy maningkamot nga makapatuman sa gikinahanglang reclamation project sa kalungsoran ug mangayo lamang og share ang probinsiya sa higayon nga magsugod na og operate ang mga proyekto sama sa pantalan nga maoy katuyoan sa reclamation project.

Ang mga mayor ug ang mga sakop sa Technical Working Group sa CPRA nagsugod na og panday sa implementing rules and regulation nga mao unya ang tamdan sa mga kalungsoran nga naglaraw sa paghimo og reclamation project. (BANAT NEWS)