CEBU, Philippines - Ang PAGASA mipahimangno sa katawhan nga moduaw karon sa mga sam-ang nga magmabinantayon tungod sa kulyada o hulga sa panahon nga nasigpatan karon sa sidlakang Mindanao nga malagmit moapektar usab dinhi sa Kabisay-an.
Sa pakighinabi sa Banat News, si Ponce Garcia, weather forecaster mibutyag sa dakong kalagmitan nga magdala kini og uwan nga malagmit mopisik usab dinhi sa Sugbo ug ubang bahin sa Visayas.
Mibutyag usab si Garcia nga dili lamang ulan, dawogdog ug kilat ang masinatian sa katawhan kundili ang hangin ug dagkong bawod sa kadagatan.
Hinungdan nga gipahimangno sa PAG-ASA nga magdala og payong kun moduaw sa menteryo, samtang ang mga biyahedor sa kadagatan angay magbantay sa malagmit dagkong mga bawod. (BANATNEWS)