CEBU, Philippines - Gi-aprobahan na ni Governor Gwendolyn Garcia ang pag-umol sa walo ka mga komitiba nga maoy makatabang sa pagpalambo sa Metro Cebu Area.
Kini tungod kay ang pagtukod niini maoy pagtuman sa gisugyot sa mga membro sa International Business Machine (IBM) Executive Service Corps kinsa mituon unsaon pagpalambo ang Metro Cebu ug kahatagan og kasulbaran ang baha dinhi ug uban pa.
Ang maong komitiba gilangkoban niining mosunod:
1. Integrated Development & Land Use; 2. Environment & Health; 3. Infrastructure & Utilities; 4. Transport & Traffic Management; 5. Public Safety & Security; 6. Human Resources & Asset Development; 7. Information & Communications Technology & Knowledge Management; 8. Resource Mobilization & Partnership Development.
Ang tahas sa maong mga komitiba mao ang pagpangita og mga kasulbaran sa mga nanag-unang suliran sa matag lugar nga sakop sa Metro Cebu area.
Lakip usab sa trabaho sa maong mga komitiba mao ang pagpalambo ug pagsiguro sa maayong kaugmaon sa matag syudad ug kalungsoran sa Sugbo.
Si Gobernador Garcia kinsa maoy chairman sa Metro Cebu Development and Coordinating Board nagkanayon nga gawas sa walo ka mga komitiba gi- aprobahan niya ang mga sub-committee sa matag komitiba. (BANATNEWS)