CEBU, Philippines - Midangop sa Fuente Osmeña Police Station ang usa ka Briton human kini nakawatan sa usa ka bayot sulod sa kwartong iyang giabangan sa usa ka hotel sa dalan Don Mario Qui St. Barangay Capitol Site ning dakbayan sa Sugbo kagahapon sa kaadlawon.
Ang biktima giila nga si Michael Homsley ,60, usa ka British ug temporaryong nagpuyo sa maong hotel.
Matud pa sa biktima nga kalit lang nga misulod sa iyang lawak ang usa ka wala mailhing bayot ug uwahi na niya mabantaying gikuha na niini ang iyang mga butang.
Ang mga butang nga nakuha sa suspetsado, 7,500.00 Thai Baht, National Wide Debit Card, Bank of Bangkok Debit Card, Thailand Motorbike Driver’s License, Thailand car driver’s license ug Sony Digital Camera nga nagkantidad ug 7,000.00.
Padayun pang giimbestigar sa kapulisan ang maong kaso. (BANATNEWS)