Young ug konseho uyon ordinansa usbon

CEBU, Philippines - Uyon si Bise Mayor Joy Augustos Young ug ang mga konsehal sa dakbayan sa Sugbo nga amendahan ang usa ka ordinansa nga nagdili   sa mga sakyanan sa Mandaue nga makasulod sa mga kadalanan    ning dakbayan sa Sugbo.

Matud pa ni Young nga maayong usbon ang maong balaod aron makasulod ang mga PUJ sa Mandaue sa   mga karsada    ning dakbayan. Ang City Ordinance 1837 nagdili sa mga sakyanan sa Mandaue gikan sa pagsulod dinhi  sa siyudad gisandig sa katarungan nga makapasamot kini sa kahuot sa trapiko.

Apan matud pa ni Young nga nakadawat sila og daghang reklamo gikan sa mga ginikanan kinsa adunay mga anak nga nag-eskuyla ning siyudad nga maoy apektado kaayo sa maong ordinansa.

Matud pa ni Young nga   dili angay nga trapiko lang ang hunahunaon sa mga opisyal sa kagamhanan apan ang reklamo usab sa mga ginikanan angay usab nga hatagan og pagtagad. (BANATNEWS)