CEBU, Philippines - Miasumir na kagahapon sa hapon ang bag-ong regional director sa Philippine Drug Enforcement Agency (PDEA) Central Visayas .
Si Director Jigger Montallana mihulip kang kanhi director Adrian Alvariño kinsa idestino ngadto sa ilang ulohan nga buhatan sa kaulohan.
Si Montallana, gradwado sa Philippine Military Academy (PMA) class 2002 ug lumad nga taga Zamboanga City ug usa siya sa mga sakop sa Samahang Magdalo.
Sa wala pa gidestino dinhi si Montallana, siya maoy hepe sa Intelligence and Investigation Section (IIS) sa PDEA Central office.
Si Director General Rene Orbe, deputy director for administration sa PDEA Central Office maoy mipalingkod kang Montallana kagahapon sa usa ka simpleng seremonya.
Si Orbe miklarong ang paghulip kang Alvariño normal nga revamp lang nga gipatuman sa PDEA. (BANATNEWS)