Militante supak pag-usab sa Konstitusyon

CEBU, Philippines -  Gisulong sa militanteng grupo ang Kapitolyo samtang nagpahigayon kini og public hearing kalabot sa pag-usab sa pipila ka probisyon sa Batakang Balaod.

Ang mga militanteng grupo nagpunay og siyagit sa ilang pagsupak pag-usab sa Konstitusyon tungod sa kabalakang maangkon 100 porsiyento sa mga langyaw ang mga negosyo dinhi sa nasud.

Si Bayan Muna Partylist Congressman Neri Javier Colmenares atol sa public hearing namahayag nga ang pag-usab sa konstitusyon dili maoy sulbad kun dili ang national industrialization ug pagwagtang sa kurapsyon.

Samtang si Congressman Loreto Leo Ocampos ang chairman sa committee on constitutional amendments mipasabot nga ila lang tangtangon ang economic provisions nga nalatid sa constitution. Mipasabot si Ocampos nga ang Pilipinas lang sa tanang kanasuran ang adunay economic provisions nga dili flexible sa mga langyaw. (BANAT NEWS)