CEBU, Philippines - Ang Department of Education (DepEd)-7 Division of Cebu City ubos sa liderato ni schools division superintendent Dr. Rhea Mar A. Angtud mipahigayon sa labing unang batch sa Boys Scouts of the Philippines (BSP) Patrol Leaders Training Course (Boys Scouts) and Crew Leaders Training Course (Seniors Scouts) niadtong Septiyembre 2 hangtud sa 4 didto sa Tisa II Elementary School ug Pardo ES.
Ang Team A, nga gidugokan og 158 ka mga partisipante, gipangulohan ni course leader Manuel Indig inabagan nilang Lyle Villagonzalo ug Nathaniel Flores, samtang ang Team B, nga nakalikop og 240 ka mga entrante, gipasiugdahan ni Reum Sespeñe uban nilang Rey Lanete ug Gerundio Tabasa.
Ang sunod nga iskedyul sa serye sa mga training ubos sa superbisyon ni leader trainer/consultant Dr. Rosalinda T. Quijada naglangkob karong Septiyembre 9-11 sa Zapatera ug Labangon ES, Septiyembre 16-18 sa Guadalupe ug Talamban ES, ug karong Septiyembre 23-25 sa Mabolo ug Lahug ES. (EBV)(BANAT NEWS)