Mahuyang miunay og kawat sa agalon

CEBU, Philippines - Dakong kantidad sa salapi ug mahalong butang ug mga alahas ang nasakiyo sa usa ka mahuyang nga katabang gikan sa iyang amo sa sitio Payahan sa barangay Bogo sa lungsod sa Argao niadtong Domingo sa alas 7:00 sa buntag.

Ang biktima mao si Ritchel Mae Alberca,38, molupyo sa nahisgutang lugar kinsa mitumbok sa iyang katabang nga si Mark Anthony Alinabon,19 , taga barangay Saksak sa lungsod sa Dalaguete maoy mikuha sa iyang mga butang ug cash.

Matud ni PO2 Mark Limbaga sa Argao Police Station dihang nahinabi sa Banat News gidala sa suspek P5 mil, $2 mil dolyares, sonny digital camera nga mokantidad og P15 mil ug mga mahalong alahas nga wala pa matino ang kinatibuk-ang kantidad.

Subay sa inisyal nga imbestigasyon sa kapulisan nanimba ang ang biktima ug mga sakop sa pamilya ug diha nakahigayon ang suspek pagsulod sa ilang lawak diin gipamutang ang maong nangahanaw nga salapi ug         butang.

Human niini daling miikyas ang suspek ug nadiskubrehan nalang sa mga biktima nga wala na kini lakip na ang ilang kwarta ug kabtangan ug igo nalang sila pagdangop sa kapolisan.

Hinuon sa gihimong follow up sa grupo ni SPO4 Esteban Albuera misikop sa suspek diha gitagoan niini sa barangay Labangon sa dakbayan sa Sugbo ug nabawi ang mga butang ug kung pilay nabilin sa kwarta. (/EIM) (BANATNEWS)