CEBU, Philippines - Ang Cebu Provincial Government pinaagi sa Provincial Women Commission (PWC) mipasidungog sa labing unang presidente sa University of the Visayas nga mipatuman sa labing unang study now pay later system nga si Doña Josefina Rivera Gullas.
Si Gullas nga mas nailhan isip Inday Pining nahilakip sa usa ka photo exhibit sa “most outstanding women” sa lalawigan nga gitawag nga CebuanaTraiblazers o Sugbuanong Tag-una.
Nasayran nga ang PWC mihulagway ni Gullas isip usa ka “consummate mother for all ages within beyond the school” diin iyang gi-implementar ang “study now pay later system” nga usa ka scholarship nga maoy mohatag og kahigayonan sa mga kabatan-onan nga kabus apan may igong pangutok ug abilidad sa pagkat-on.
Ang maong photo exhibit maoy pag-ila sa mga Cebuana nga takus kaayo sa ilang pagserbisyo sa katilingban.
Si Vice Governor Agnes Magpale nga maoy co-chairman sa PWC mibutyag nga may pipila ka criteria ang ilang gitan-aw aron lang mapilian ang mga angayang hatagan ug pasidungog.
“The exhibit hopes to regain women’s rightful place in Cebu’s heritage to inspire present and future Cebuanas,” matud pa sa PWC.
Ang PWC mihatag og pasidungog sa pipila ka Cebuana nga mihimo og di makalimtang buhat sa ngalan sa education, performing arts, literary arts, history, culture and heritage; grassroots Christianity; sports; entrepreneurship; sustainable development; economic empowerment; foreign service and diplomacy; ug tourism.
Lakip sa maong photo exhibit mao sila si Governor Gwendolyn Garcia, Vice Governor Agnes Magpale, Assistant Deputy Ombudsman for the Visayas Palanca Santiago, Crusader Against Violence’s Thelma Chiong and Singer Pilita Corrales. - BANAT NEWS