CEBU, Philippines - Sa problema karon sa merkado publiko sa barangay Tabunok, dakbayan sa Talisay ang mga kawani sa merkado gidid-an sa pagluwat og mga pamahayag ug sa pagpagawas og mga dokumento nga may labot sa maong isyu.
Si Alberto Obando ang Market Administrator miluwat sa Memorandum No. MKT-2011-0607 sa miaging adlaw kalabot sa maong pagdili nga nagkanayon,“in relation with the present situation of the transfer to the Tabunok Public Market to it’s new location and the on-going Temporary Restraining Order (TRO) issued by the court and the upcoming court litigation of as the case maybe, you are hereby requested to refrain from issuing statements verbal or written, which can be used against you, the market administration which each one of us a member, and the City of Talisay as a whole”.
Dugang niini nga “furthermore you hereby requested not to release any market related documents without the approval of the undersigned (Obando)”.
Kahinumdoman nga ang mga vendor sa merkado sa Tabunok nagdumili sa pagbalhin ngadto sa bag-ong merkado sa barangay Lagtang.
Hinungdan nga ang siyudad mihatag og higayon sa mga vendor sugod niadtong Mayo 28, 2011 hangtud sa Hunyo 28, 2011 sa ilang pagbalhin ngadto sa bag-ong merkado.
Giingon nga human sa gihatag nga panahon ang merkado sa Tabunok hingpit nang tak-opan busa ang mga vendor miduso og reklamo ngadto sa Korte ug nakakuha sila og 20 ka adlaw nga TRO.
Apan bisan pa sa pagdumili sa mga vendor ang kagamhanan sa siyudad padayon sa ilang plano sa pagpabalhin gyud kanila. (BANATNEWS)