Drug test sa Lapu' CH gioktaba una

CEBU, Philippines -  Gioktaba una sa dakbayan sa Lapulapu ang ang pagpa-drug test sa mga empleyado sa city hall gumikan sa kakulang sa City Health sa mga kahimanan ug mga kagamitan sa pagkuha og sample sa pagpa-drugtest.

Matud pa ni Mayor Paz Radaza ini’g abot sa ilang giorder nga drug-testing kits ipadayon ang maong drug test aron matino kung si kinsa sa ilang mga kawani ang tiggamitan og ilegal nga drugas.

Ang pagpa-drug test gimando ni Radaza human adunay mga kawani sa city hall ang nasikop sa grupo nila ni Sr. Insp. Joeson Paralag sa Presinto 3 nga nalambigit sa ilegal nga drugas.

Matud pa ni Radaza nga buot niyang papason ang mga empleyadong drug addict tungod kay ang mga kawani sa gobiyerno maoy angayan nga mahimong ehemplo sa katawhan.

Ang masakpan unya sa himuong random drug test nga positibo sa paggamit sa ilegal nga drugas awtomatikong tangtangon bahad pa ni Radaza. (BANAT NEWS)