CEBU, Philippines - Nahulagway sa hepe sa kapo’lisan sa rehiyon 7 Chief Superintendent Ager Ontog Jr. nga usa sa mga dakong pagsuway nga giatubang karun sa kapolisan mao ang paghugaw-hugaw sa ubang miyembro sa ilang dungog.
Matud pa ni Ontog nga karung tuiga ilang iresolbar ang kapin 60 ka mga kaso sa kapolisan nga naglakip sa neglect of duty, uban pang kasong administratiba ug kriminal.
Midugang usab si Ontog nga kasagaran sa mga nalambigit mao ang mga bag-ohay pa nga polis susama sa Police Officer 1, Police Officer 2 ug Police Officer 3.
Butyag usab ni Ontog nga tungod niini ilang ipaubos sa ‘back to basic training’ ang pipila ka polis gikan sa mga police stations.
Lakip sa itudlo kanila mao ang hustong pamatasan, respeto sa sibilyan, respeto sa ilang pagkapolis ug ang pagpalig-on sa dungog sa PNP. Matud pa ni Ontog nga ilang paninguhaon nga ilang maresolbar ang kapin sa 60 ka kaso sa ilang kapolisan sa dili pa mahuman ang buwan sa Enero.
Buot ni Ontog ang PNP Public Safety College nga patas-an ang recruitment standards niini aron mahashasan pa gyud og maayo ang piliong polis. - BANAT NEWS