CEBU, Philippines - Kahatagan og 10 ka tuig nga extension sa pagbayad sa ilang utang ang tanang mga benepisyaryo sa Slum Improvement and Resettlement (SIR) nga programa nga nanimuyo sa mga yuta sa kagamhanan ning siyudad sa Sugbo.
Sa sesyon sa konseho ning dakbayan sa miaging adlaw, naaprobahan ang usa ka City Ordinance nga gipalabang ni konsehal Alvin Dizon, tsirman sa housing board nga maghatag ug igong panahon nga makaimpas ang mga molupyo ang ilang bayranan sa gipuy-an nilang mga luna sulod sa 10 ka tuig uban sa interes kun tubo nga 6 porsiyento matag tuig.
Gibutang usab ni Dizon sa probisyon sa maong ordinansa nga kadtong mga beneficiaries nga dili makabayad sa ilang amortization sulod sa tulo ka sunod-sunod nga bulan mahimong dili na makabaton sa ilang mga katungod isip mga beneficiaries niini. (BANAT NEWS)