CEBU, Philippines - Si Kong. Eduardo Gullas sa unang distrito sa probinsiya sa Sugbo mibutyag nga may mga ginikanan sa mga presidente sa Sangguniang Kabataan sa Talisay ang gihaylong bayran sa usa sa mga opisyal sa siyudad aron lang ang ilang mga anak mobotar ngadto sa anak sa maong opisyal.
Matud ni Gullas nga ang maong opisyal sa siyudad dili lumad nga taga Talisay sanglit taga Bogo kini apan nagdumili kini paghingalan sa maong opisyal.
Si Gullas sa iyang speech kagahapon sa buntag atol sa gipahigayong paghatag og pasidungog ug paghural sa bag-ong mga opisyal sa Sangguniang Kabataan Federation (SKF) nagkanayon adunay gipangtanyagan sa mga SK og P30 mil, P50 mil, P180 mil ug gawas niini duna pay pakaping sakyanan nga multicab ug bakasyon sa Boracay.
Gidayeg ni Gullas ang mga ginikanan sa mga batan-ong SK leaders tungod kay wala sila modawat sa haylo. Si Ylanan nga nahinabi sa mga tigbalita kagahapon kusganong mihimakak sa maong mga pasangil batok kaniya. Gihagit niini ang mga namasangil kaniya nga pamatud-an nila ang ilang mga alegasyon.
Sumala pa niya nga ang mga alegasyong susama niini sagad mogawas ini og panahon sa mga eleksyon. (BANATNEWS)