CEBU, Philippines - Patay ang usa ka langyaw human moambak sa dagat gikan sa giluwanan niining yati sa Vistamar Beach Resort sa barangay Mactan, dakbayan sa Lapulapu sa miaging Domingo sa gabii.
Ang namatay mao ang usa ka Korean national nga si Michael Heong Yu, hingkod, ug temporaryong nagpuyo sa nahisgutang beach resort .
Si PO2 Ron Vincent Gaite nga nadestino isip tourist police sa maong dapit miingon nga nagpatrolya sila sa miaging gabii ug ilang nadawat ang report bahin sa maong hitabo.
Napalgan ang biktima sa mga diver sa kadagatan sa maong dapit ug gidala dayon kini ngadto sa Mactan Doctors Hospital sa barangay Basak sa maong dakbayan diin kini ideklarar nga dead on arrival.
Ang patay’ng lawas sa maong langyaw temporaryo karong gipahiluna sa Cosmopolitan Funeral Homes sa maong dakbayan. (BANATNEWS)