CEBU, Philippines - Sa pagbisita ni Major General Josue Gaverza sa 9th Central Command founding anniversary sa Camp Lapu-lapu iyang gibutyag nga wala pay opisyal nga anunsyo bahin sa ceasefire tali sa mga rebelde.
Apan sigurado na nga adunay ceasefire sa panahon sa Pasko sama sa naandan nga pangunahan sa Armed Forces of the Philippines.
Si Gaverza malaumon nga tahuron usab sa ubang armadong grupo ug mga rebelde ang maong deklarasyon.
Sa petsa 26 sa Disyembre pagasaulogon usab sa Communist Party of the Philippines ang ilang ika-42 nga anibersaryo.
Ug niining mga panahona magmatngon ang militar ug kapolisan sanglit sagad subhan kini sa mga rebelde pinaagi sa pagpangatake. (BANAT)