P50 milyones nga target sa SBT makuha

CEBU, Philippines - Dako ang posibilidad nga makuha sa kagamhanan sa lalawigan sa Sugbo ang P50 milyones nga target collection sa buhis gikan sa South Bus Terminal (SBT) karong tuiga.

Kini tungod kay karon pang daan, mikabat na sa kaping P30 milyones ang nakolektang kinitaang revenue sa SBT gikan sa Enero hangtod Septiyembre, 2010.

Matud pa ni Provincial Treasurer Roy Salubre nga anaa na sa P38.3 milyones ang nahipos nga kita sa SBT niining ikatulong quarter ning tuiga

Gani matud pa ni Salubre nga mas motaas pa ang maong kita kay wala pa maapil sa maong kwentada ang kapin sa tunga sa milyon ka pesos nga kita sa terminal sulod lamang sa upat ka adlaw sa wala pa ang kasaulogan sa kalagkalag.

Subay niini si Provincial Administrator Eduardo T. Habin mibutyag usab nga dako na ang kasigurohan nga makuha ang gilaumang P50 milyones nga target revenue sa SBT karong tuiga.

Kini gumikan sa nagsingabot nga Pasko ug Bag-ong Tuig diin gipaabot nga daghang mosulod nga mga pasahero aron mouli sa ilang tagsatagsa ka lungsod sa habagatang bahin sa lalawigan.

Nasayran nga misubra sa gi- target sa lalawigan sa Sugbo nga kitaon sa SBT sa matag quarter nga nag-average og P12 milyones.   (BANATNEWS)