Joavan gihagit magpa-psychological test

CEBU, Philippines - Gihagit sa kanhi lady bodyguard ni Joavan Fernandez nga si Guillermina Barredo si Mayor Socrates Fernandez sa Talisay ug ang kontobersyal niining sinagop nga ipaubos og psychological test. Si Barredo nakabasa sa pamantalaan sa giingon ni Joavan nga usa siya ka relihiyoso. Nakurat si Barredo ug nakakatawa. Matud pa ni Barredo bisan kinsang tawo sa siyudad sa Talisay nasayod sa pagkatawo ni Joavan.

Gisuwayan pagkuha sa Banat News ang habig ni Mayor Fernandez apan wala kini mitubag sa tawag apan ang iyang anak nga si Joavan mibutyag nga usa ka taktika ang gihimo ni Barredo aron tagdon sa kapolisan. Matud pa ni Joavan nga dili na angayang isulti ang iyang reaksiyon sa gibutyag ni Barredo kini tungod kay makita sa katawhan ang mga lihok niini.

Mipasabot si Joavan nga nasayod siya sa iyang mga gipangbuhat ug wala usab siya manghilabot sa kinabuhi sa ubang tawo. – BANAT NEWS